لو جيت و شلت ايديك، الصورة تتفركش.

“كل الحاجات حواليك...

ف الكادر سانده عليك....

لو جيت وشلْت اديك....

الصورة تتفركش ….

ضلك على الحيطه ….

كان خافي عنها النور ….

وطلّعها بتنغمش...

كفك على السفره...

من غيره كان إزاي...

مفرشها يتكرمش ؟..

بصمة صباع إيدك...

لسّاها ع الشبابيك...

ميت ألف تفصيله...

ملهاش وجود غير بيك..

وإنتا عليك تختار...

حتبدّي مين على مين ؟..

وتبدّي إيه على إيه ؟..

الجاي والجايين ؟

وللا اللي خدت عليه ؟

أصل الحياه للعلم..

مفهاش حاجات ببلاش..

وعشان ماتصبح فيلم...

وأصلا عشان تتعاش..

كادر الحياه المشحون...

فرح والم وشجون..

لازم يكون
بيلف....

لازم يكون….
بيدور..


يتقل عليك ويخف..

ويعشّمك بالنور..

ف نهاية المشوار..."